пред 4 години Најмалку четири лица, меѓу кои и двајца полицајци, загинаа во серија експлозии што го погодија главниот град на Авганистан, Кабул.
Две од бомбите биле прикачени на полициски возила во западниот и јужниот дел на Кабул.
Властите соопштија дека третата магнетна бомба експлодирала во источен Кабул, но тука никој не е повреден.
Постојат извештаи за уште најмалку две експлозии на друго место во градот, но полицијата сè уште нема детали за нив.
Најновите напади се случија кога Талибанците и авганистанската влада разговараа во Катар во обид да постигнат мировен договор што може да стави крај на децениската војна.
Никој сè уште не ја презеде одговорноста за нападите во Кабул.