пред 4 години Босанската НБА ѕвезда, Јусуф Нуркиќ имаше необична прес-конференција по победата на неговите Портланд над Минесота од 135:117, меч во кој имаше најдобар скор оваа сезона – 17 поени, 7 скока и одлична игра во одбраната.
По мечот, тој призна дека семејните проблеми придонеле за слабиот старт на сезоната, откако на крајот на минатата сезона ја загуби својата баба од КОВИД-19, а ги пропушти и подготовките за новата сезона, враќајќи се кај семејството во Босна и Херцеговина.
„Луѓето се однесуваат кон мене како да сум мртов. Не се грижам многу за тој однос, но сите сме луѓе и се соочуваме со работи кои се случуваат надвор од кошкарскиот терен и во нашите семејства. Сакам да помогнам на тимот, поминаа само пет-шест натпревари и работите ќе дојдат на свое место. Не заборавив да играм кошарка и го правам тоа што тренерот го бара од мене“, вели 26-годишниот центар.
Во негова одбрана застана најдобриот играч на Трејлблејзерс, Демијан Лилард.
„Знаев дека се случуваат работи со неговото семејство и тоа е најважно, многу поважно од кошарката. Мораме да бидеме тука за него“, изјави Лилард.
Би можело да ве интересира
Алкараз го „збриша“ Циципас и закажа супер-полуфинале против Ѓоковиќ
Со Бејл како стартер, Реал само со поен на гостувањето кај Вилјареал
Избраниците на Брестовац се негативни, а чекаат позитивни вести од Египет
Малер за Халанд – има скинат бутен мускул!
Златан: Прво го мразев Михајловиќ, сега би одел во војна за него
Домагој Вида одиграл полувреме против Турција со позитивен тест на КОВИД-19
