Пленковиќ предупреди: Ситуацијата се влоши

Во Загреб се одржа седница на хрватската Влада, на која се обрати премиерот Андреј Пленковиќ и рече дека состојбата со бројот на новозаразени од коронавирус е влошена.

Хрватска е на шестото место меѓу земјите на ЕУ според неделниот број на новозаразени, и осмо според бројот на смртни случаи, рече Пленковиќ.

Тој предупреди на личната одговорност на секој поединец по објавувањето на некои епидемиолошки мерки.

Пленковиќ рече дека на отворениот дел од владината седница особено ја посочил претпазливоста, имајќи предвид дека, како што рече, може да се забележи прилично висок раст на заразени со коронавирусот во околината на Хрватска.