Лука Модриќ за историја – со најмногу настапи за Хрватска

Хрватскиот фудбалски ас, Лука Модриќ влезе во фудбалската историја на својата земја по бројот на настапи за националниот тим.

Денеска од 18 часот запошна квалификацискиот дуел Хрватска – Кипар, а Модриќ е во првата постава на „коцкастите“ (имаат предност од 1-0 на полувреме).

Денешниот е 135-ти настап за Модриќ откако во 2006 година дебирираше за националниот тим на мечот против Аргентина.

Играчот од средниот ред кој настапува за Реал Мадрид на тој начин го прескокна досегашниот рекордер Дарио Срна кој остана на 135 настапи. Далеку зад нив се Стипе Плетикоса со 114 настапи, потоа следуваат Иван Ракитиќ (106), Јосип Шимуниќ (105), Ивица Олиќ (104), Ведран Чорлука (103) и Дарио Шимиќ со 100 настапи.

Во хрватскиот дрес Модриќ постигна 16 гола, а играше на три Светски и на три Европски првенства.