пред 4 години Жозе Мурињо призна дека неговиот Тотенхем прави премногу грешки, додавајќи дека тимот е „нестабилен“ откако во финишот на мечот со Њукасл пропуштија победа и одиграа 2:2, резултат кој ги остава на петтото место.
Двата гола Њукасл ги постигна по грешки на одбраната на Тотенхем и Мурињо признава дека резултатот лошо му „легнал“.
„Исфрустриран сум. Ни беше потребна победа во мечот и дојдовме да ја земеме. Не сме далеку од топ 4, но си создадовме нестабилност со толку грешки во одбраната и им дадовме шанса да се вратат во мечот“, објаснува Мурињо.
Запрашан зошто Тотенхем, кој традиционално има одлична одбрана кога е во водство, овојпат потфрли, Мурињо ја префрли вината кај играчите.
„Тренерот е ист, играчите се поинакви. Работиме добро, работиме напорно, но правиме многу грешки. Тоа ами може да го анализирате. Премиер лигата е тешка и кога не покажувате високо ниво, тогаш е тешко“, вели Мурињо.
Би можело да ве интересира
Тифозите на Лацио со емотивна порака за Михајловиќ: „Пукај, погоди, бори се и победи уште еднаш“
По голот што го постигна Гајиќ, голманот му удри шамар на соиграчиот
Сензација во најава – Челси го враќа Азар за двојно помалку пари!
Мертенс сам ја победи Рома!
Рекордерот Луис Суарез
ПСЖ без право на грешка на „Олд Трафорд“, Севилја и Челси во трка за првото место
