Поминал две години во озлогласен затвор, кога објави снимки од Ирак, Америка му го уништи животот, приказната на Џулијан Асанж

И претходно неговите активности предизвикаа сериозна главоболка кај официјалните лица и нивните служби, како ситуацијата кога се појави случајот „апач“, кој Асанж и неговите соработници го нарекоа „Проект Б“.

Се работи за видео од кокпитот на американскиот хеликоптер „апач“, на кое може да се види како американските војници во 2007 година, во Ирак, од воздух, ладнокрвно убиваат 18 цивили, меѓу кои и двајца новинари на „Ројтерс“.

Асанж го основа „Викиликс“ во 2006 година, а со работа почна во јануари 2007 година. Самиот Асанж ќе го опише како „Википедија без цензура“.

Со првиот објавен документ ги обвини властите во Сомалија, поради ангажирање на криминалци за извршување на ликвидација. Веродостојноста на тој документ, веднаш била оспорена.

10.000 страници дневно

Сајтот „Викиликс“, дневно обелоденувал 10.000 страници од документи, дипломатски депоа, кои од тогаш не се тргнале од насловните страни ширум светот, при што биле изложени бројни недоследности, од валкани работи кои се случувале во светската дипломатија до злосторства.

Едноставно кажано трачеви. Така биле обелоденети убиствата во Кенија, потоа фрлањето на отровни материјали на африканско тло, компромитацијата на преписките на банките Kaupthing и Julius Baer, материјал за дејствијата на САД во Ирак, односно Авганистан, или за ситуацијата која се случувала во Гвантанамо.

Потерницата на Интерпол, по Асанж, била распишана на 30. ноември 2010 година, а на 7. декември Британците го уапсиле, на основа на барање на Шведска. Во таа земја, Асанж бил обвинет за силување.

PostFinance, швајцарската банка, ги блокирала неговите средства во декември 2011 година, со образложение дека не го пријавил вистинското место на престојување, додека MasterCard, Visa Inc, PayPal, како и Bank of America, му оневозможиле прилив на средства на „Викиликс“.

Според тврдењата на Асанж, во најдобрите времиња, „Викиликс“ дневно добивал и до 85.000 британски фунти. Сепак Окружниот суд во Рејкјавик, Исланд, во 2012 година, застанал на својот став дека Visa Inc, го прекршила договорот и со тоа направила штета од 20 милиони долари.

Дури кога се појавила неговата биографија некаде на самиот крај во 2010 година, нешто на шт Асанж бил приморан за да ги олесни финансиските прилики, станало јасно дека тој е познатиот хакер Мендакс, чиј животен пат е опишан во книгата Underground.

Триесет и седум пати се селел како дете

Инаку, Асанж е роден во јули 1971 година во Таунсвил, Квинсланд, во североисточниот дел на Авсстралија. Недалку од Таунсвил, на осум километри оддалеченост, на излезот од кливландскиот залив, се наоѓа островот Магнетик, на кој Асанж, го поминал најголемиот дел од детството.

Магнетик е зелен тропски остров, со површина од педесетина километри. Неговите родители ќе се разведат кога тој ќе наполни осум години. Тогаш почнува борбата за старателство над него.

Асанж со неговата мајка и браќа, до 14. година се селел дури 37 пати. Таквиот начин на живот станал негова судбина. Дури шест пати ги менувал школите и факултетите. Студирал физика, математика, филозофија и неврологија.

Ништо од тоа не завршил и едвај поминувал низ студиите. Претходно се интересирал за информатика. Во шеснаесеттата година станал основач на хакерска група која ја нарекле „Меѓународни минувачи“ и која имала строг кодекс.

Асанж бил уапсен како тинејџер, поради упади во системите на универзитети, телекомуникациски компании како што е Nortel, па дури и во Пентагон и НАСА.

Асанж бил тинејџер бунтовник

Во октомври 1989 година, во пресрет на лансирањето на вселенскиот брод „Атлантис“, на мониторите на НАСА, изненадувачки се појавил написот WANK, што значел Worms Against Nuclear Killers, што бил назив на хакерската група „Црви против атомски убијци“.

Асанж бил еден од шестмината тинејџери кои биле приведени за таквото дело. Процесот завршил со парична казна од 2100 долари. Иако обвинувањето, колку и да изгледало сериозно и сеопфатно, на крајот се утврдило дека немало никаква злонамерност во активностите на Асанж.

Сепак последиците за него оставиле сериозен белег. Сите тие процеси и тежината на сите тие ситуации, довеле до тоа да тој доживее нервен слом. Целосно бил растроен, а извесно време живеел и како бездомник.

Во деведесетите години, се посветил на изградба на база на податоци на една асоцијација, која се занимавала со проблематика за старателство во Австралија. Имал јасен личен мотив, затоа што водел борба за старателството на синот кој го добил на осумнаесет години.

Тамошната администрација немала многу разбирање за неговите аргументи. Сепак тој во 1999 година постигнал договор за старателство над детето.

Поучен од искуствата, Асанж настојувал да се вклопи во општествено прифатливи рамки. Тој бил меѓу основачите на претпријатието Suburbia pablik akces netvork, во Мелбурн, чиј домен, биле разбирливо интернет услуги.

Асанж имал немирен дух, но, таквиот негов карактер му овозможил да оствари бројни патувања. Од бездоминк, тој успеал да патува низ Азија, живеел во Кенија, Танзанија, Белгија, на Исланд и во Шведска.

Кога ја собрал групата со која го основал „Викиликс“, тој имал намера да им се спротистави на режимите како што се Кина, Русија и земјите од централна Азија. Потоа исто така сакал да се спротистави и на нелегалното и неморално однесување на владите и компаниите, меѓу кои била и американската власт. Се испоставило дека најголем број пикантерии биле врзани за САД и нивната политика.

За својата работа, Асанж примил низа на признанија, како на пример наградата Amnesty International Media Award во 2009 година, Sam Adams Award во 2010 година, Sydney Peace Prize во 2011 година, Marha Gellhorn признанието за новинарство во 2011 година.

Весниците „Тајм“ и „Монд“ го прогласиле за Личност на годината во 2010 година. И во двата случаи гласовите ги добил од читателите.

Асанж пронашол засолнишето во амбасадата на Еквадор во Лондон во јуни 2012 година

Челзи Менинг, која како воено лице му ги доставило на „Викиликс“ оние 250.000 документи, со чие обелоденување се прослави Асанж (па и самата Челзи, која е родена како Бредли), на средината на 2013 година, е осудена за повеќе дела, на 35 години затвор.

Асанж во повеќе наврати нагласил дека повеќе не верува во позитивен исход во неговиот случај и дека се плаши дека САД нема да го остави на мира, заради тоа што тој и го направи.

Самиот тој изјавил дека чувствува дека можеби е осуден на смрт.

Добил две деца додека бил во азил

Адвокатот на одбраната на основачот на „Викиликс“ Џулијан Асанж, Стела Морис, која минатата година отри дека му родила два сина додека престојувал во амбасадата во Еквадор во Лондон, поднела барање за негово ослободување од затвор, истакнувајќи дека неговиот живот е во опасност поради пандемијата од коронавирусот.

Таа во писмото објаснила дека го сретнала Асанж во 2011 година, додека била правен истражител и дека пријателството и покрај вонредните околности, прераснало во врска во 2015 година.

Таа додала дека вложила огромен труд за да го заштити тригодишниот Габриел и едногодишниот Макс од атмосферата во која е опкружен нивниот татко.

Асанж присуствувал на раѓањето на двете деца во Лондон, преку видео-линк, а постариот Габриел го посетил во амбасадата.

„Станавме пријатели и гледавме заедно филмови. Едноставно засакав да го минувам времето со него. Беше многу романтично и слатко. Не беше лесно, но кога сте со некого кого го сакате, можете невозможните ситуации да ги направите возможни“, изјавила таа во емисијата „60 минути“.

Интересен е и случајот со еден свиркач, инаку поранешен агент на ЦИА, Џефри Стерлинг. Тој против ЦИА, поднел тужба поради дискриминација во 2015 година, поради што му било судено под актот шпионажа.

Тој претходно учествувал во операцијата „Мерлин“, која имала за цел да го поткопа развојот на нуклеарната програма на Иран, но кога увидел дека не се почитуваат безбедносните протоколи, својата загриженост ја претставил пред известувачкиот комитет на Сенатот и Претставничкиот дом. На крајот против него била покрената хајка.

Не само што останал без работа и бил на мета поради oбвинувањата за дискриминација, туку бил обвинет и дека податоци од ЦИА, ги предавал на новинарот на „Њујорк тајмс“, Џејмс Ризен. Тој бил осуден на 42 месеци, а издржал 2,5 години во затвор.

Како што вели, на ист начин ќе се обидат да го судат и осудат и Џулијан Асанж.

„Мислам дека Судот во повеќе наврати досега покажа дека е про-ЦИА и провладин, така што можно е американската влада да управува со случајот и да го води во правец во кој таа сака. Доколку го испорачаат Џулијанс Асанж, тој ќе биде прогласен за виновен“, изјавил Стерлинг за „Јакобинмаг“.