ВМРО-ДПМНЕ: Рашковски е пуштен од притвор откако почна да се зборува дека ќе пропее за Заеви

Драги Рашковски е пуштен од притвор, откако се раширија гласините дека ќе пропее за Зоран и Вице Заев, за сите бизниси и сè што знае за работењето на браќата Заеви, посочуваат од ВМРО-ДПМНЕ.

Партиската реакција следува откако во петокот беше објавено дека притворениот Рашковски, кој еден месец издржуваше казна во затворот „Скопје“ во Шуто Оризари, оди во куќен притвор.

„Откако се раширија гласините, Заев панично по медиуми почна да кружи со приказната дека Рашковски работел законски, и дека не верува дека сторил криминал. Заев со таквите изјави од позиции на премиер изврши притисок врз судството и обвинителството и му даде сигнал што да прави“, сметаат од опозициската партија.

Од таму порачуваат дека судството и ЈО не смеат да подлегнуваат под притисокот на Заев.