пред 3 години Фудбалерот на Ливерпул, Тијаго Алкантара, порачал дека не му се допаѓа модерниот фудбал и дека не му се допаѓа воведувањето на ВАР-технологијата.
„Го мразам модерниот фудбал, јас сум човек на кого повеќе му се допаѓа фудбалот кој се играше порано. Се игра во поинакво темпо, се е многу побрзо, се бара повеќе сила. Десетките и фудбалските мајстори речиси исчезнаа. Гледаме многу помалку магија и фудбалска фантазија. Нема ниту дриблање, тоа е во модерниот фудбал непотребно. Плејмејкер со добра техника повеќе не може да игра доколку е бавен. Ние кои не сме брзи, мотаме брзо да мислиме доколку сакаме да играме“, рекол Алкантара и дополнил.
„Секогаш сум бил против ВАР, посакував да не го воведоа. ВАР ја одзема суштината на играта, ја одзема итрината, палавоста на теренот. Фудбалерите грешат, треба и на судиите да им се дозволи да погрешат. Без трикови немаше да има многу легендарни моменти во фудбалот. На крајот и кога ќе постигнеме гол од центарот на игралиштето не можеме да се радуваме додека ВАР не го потврди“.
