Претставникот на Русија во ЕУ: Многумина не би биле на светската мапа да не беше СССР

Многу европски земји, кои денеска ги рушат меморијалните центри подигнати во чест на победничките советски војници од Втората светска војна, не би ни постоеле на светската мапа да не беше одлучувачкиот придонес на СССР во победата против нацизмот, порача вчера постојаниот руски претставник на Руската Федерација во ЕУ, Владимир Чижов, на семинар по повод 80-годишнината од нападот на нацистичка Германија врз Советскиот сојуз.

Тој особено посочи дека обидите за промена на историјата на Втората светска војна постојат веќе неколку децении и со текот на времето се зајакнуваат и се претвораат во насочена кампања.

„ Откако станав постојан претставник на Русија во ЕУ во 2005 година, принуден сум да бидам присутен, да гледам и да слушам обиди за препишување на историјата од Втората светска војна и оспорување на одлучувачкиот придонес на Советскиот сојуз за ослободување на Европа од злото на нацизмот. Ревизионистичките аспирации на некои европски земји, не и најголемите и највлијателните, пораснаа пред моите очи и станаа сè поуспешни целни кампањи“ рече Чижов, како што пренесува ТАС С.

Тој предупреди дека несовесните постапки или намерното нарушување на историските факти создаваат атмосфера на толеранција кон бесрамна нацистичка пропаганда и идеи и потсети дека тоа се случува во многу земји на ЕУ, но и во некои поранешни советски држави, вклучително и во Украина.

Чижов истакна дека тоа претставува закана за основните принципи на демократијата и човековите права, дека го навредува споменот на милиони жртви од Втората светска војна, борци кои ги положија своите животи за ослободување на Европа од нацизмот.