Нов напад во Германија, маж прободел двајца минувачи со нож

Германската полиција започна потрага, во која учествуваат и хеликоптерски единици, по напаѓачот кој утрово избоде двајца случајни минувачи во градот Ерфурт.

Двете жртви на овој напад, на возраст од 45 и 68 години, се наоѓаат во болница.

Полицијата го опишува напаѓачот како 20-годишник, со руса коса и лице со лузна објавија медиумите, додавајќи дека напаѓачот зборува германски.

Во исто време, во тек е истрага за смртоносниот напад со нож минатиот петок во Вирцбург, кога три лица го загубија животот, а полицијата се сомнева дека мотивот за нападот е исламски екстремизам.