Ким Џонг-ун: Земјата е загрозена поради неуспесите во борбата против коронавирусот

Севернокорејскиот лидер Ким Џонг-ун остро ги критикуваше највисоките функционери за неуспехот во борбата против пандемијата на коронавирусот, што според него предизвикало „голема криза“ и ја загрозило безбедноста на земјата.

Државните медиуми не ја објавиле клучната работа што го поттикнало Ким да свика седница на Политбирото на владејачката Работничка партија. Тамошните медиуми објавија дека Ким отпуштил неколку високи функционери за занемарување на важните партиски одлуки при спроведување на организациските, институционалните, материјалните, научните и технолошки мерки во борба против пандемијата.

Северна Кореја досега не пријавила случаи на коронавирус, но експертите се сомневаат во официјалните обвинувања на Пјонгјанг и се загрижени за потенцијална епидемија со оглед на слабиот здравствен систем на земјата, пренесуваат светските агенции.