Обид за упад во украинскиот парламент

Неколку стотици пензионирани украински полицајци денеска се обиделе да упаднат во зградата на парламентот во Украина, барајќи зголемување на пензиите, пренесуваат светските агенции.

Поранешните полицајци ги пробија надворешните бариери и се приближија до парламентот, каде се одржуваше седницата, а потоа полицијата ги оттурна.

Тие подоцна блокираа една улица, пренесува Ројтерс.

Протестите се случија еден ден откако украинскиот министер за внатрешни работи Арсен Аваков, кој е на чело на полицијата од 2014 година, неочекувано поднесе оставка, без да наведе причина за одлуката.

Кабинетот на украинскиот претседател Володимир Зеленски и портпаролот на Аваков одбија да ја коментираат неговата причина за оставката.