Кјелини го продолжи договорот со Јувентус

Џорџо Кјелини го продолжи договорот со Јувентус. Капитенот и во наредните две сезони ќе го носи дресот на „старата дама“ од Торино.

Договорот на Кјелини истече по завршувањето на сезоната. Во меѓувреме со Италија стана европски првак, што беше јасен знак за челниците да го задржат капитенот.

„Кјелини е пример на се што претставува Јувентус како клуб. Неговиот однос и сјајните игри во изминатите 16 години, му обезбедија нов договор“, објави Јувентус.

Џорџо Кјелини одиграл 535 натпревари за „старата дама“. Кариерата ја започна во Ливорно, а пред да се пресели во Јувентс го носел дресот на Фиорентина.