До средината на септември најверојатно ќе биде одобрена вакцината „спутник В“ најави СЗО

Светската здравствена организација (СЗО) веројатно ќе ја одобри руската вакцина „спутник В“ против коронавирусот до средината на септември, објави денеска помошничката на генералниот директор на оваа организација, Маријангела Симао.

„Што се однесува до вакцината „спутник В“, процесот на одобрување е во тек, имаме некои законски процедури низ кои поминуваме во моментов“, рече Симао, пренесуваат агенциите.

Симао додаде дека проценките за вакцината започнале во јули и се добро напреднати, и дека очекува конечната евалуација на одобрувањето на вакцината да се направи до средината на септември.