За еден ден 648 казни за пребрзо возење

Министерството за внатрешни работи во текот на вчерашниот ден спроведе зајакната контрола на територијата на целата држава за санкционирање на возила кои се движат со преголема брзина.

Како што информираат од МВР, притоа биле санкционирани 648 возачи. Од нив, 41 возило се движеле со брзина над 50 километри на час повеќе од дозволеното, а пет возила се движеле со дури над 70 километри на час повеќе од дозволената брзина.

Притоа, 276 возачи ја пречекориле брзината во населено место, а 372 надвор од населено место.