„Фармацевтите“ го најдоа лекот за Борусија (М)

Екипата на Баер Леверкузен со високи 4-0 ја прегази Борусија Менхенгладбах во рамки на второто коло во Бундеслигата.

„Фармацевтиет“ по само 3 минути го отврија резултатот. На нивното водство „кумуваше“ швајцарскиот голман Јан Сомер кој си постигна автогол.

Уште гостите од Менхенгладбах не се соземаа од раното водство на противникот, веќе во 8-та минута беше 2-0 за Баер. Стрелец чешкиот голгетер, Патрик Шик.

Можеби конечниот исход ќе беше поинаков доколку Стиндл во 43 минута го погдеше пеналот за гостите.

Вака Диаби во 55. минута постигна и трет гол за домаќините, а Амири во 87 минута го постави конечниот резултат.
Баер Леверкузен сега се втори на табелата со 4 бода, зад првопласираниот Волфсбург кој има шест.

Тимот од Менхенгладбах по две кола има само еден бод.