„Меси би бил најдобриот бек во светот, ама за голман не го бива“

По 21 сезона помината во дресот на Барселона, летово Лео Меси се пресели во тимот на ПСЖ.

Неговиот клубски колега, играчот од средниот ред – Андер Ерера во интервју за шпанска „Марка“ одговараше на прашањето кој е најдобар од големата тројка на „Светците“ – Меси-Нејмар, Мбапе.

„Навистина тешко прашање. Мислам дека Килијан е најдобриот на светот на голем простор, Нејмар е играч фантазија, играч од потег, а Лео е најдобриот во сето останато. Мислам дека тој би бил најдобриот лев или десен бек. Се би можел да игра, само не голман. Неверојатно е колку ја разбира играта“ рече Ерера.

Клубот од Париз потфли во воведниот меч од новата сезона во ЛШ. Само 1-1 во Белгија кај Клуб Бриж.

„Не ми е јасно зошто за ПСЖ би бил неуспех доколку не ја освои Лигата на шампиони. Последните две години игравме во финале, односно во полуфинале. Мислам дека тоа е голем успех, посебно за еден така млад клуб. Не разбирам како никој не ги прозива Реал, Барселона, Челси, Сити или Јувентус, туку само ПСЖ. Ни наметнуваат императив шампиони, тоа е претерано“ смета Ерера.

Францускиот клуб во второто коло од ЛШ на 28 овој месец на свој терен го дочекува тимот на Манчестер Сити.