Израел ги отвора границите за туристи, првпат од почетокот на пандемијата

Израел од денеска почна да прима индивидуални посети од туристи, првпат од почетокот на пандемијата на коронавирус.

Властите се надеваат дека отворањето на границите на земјата за индивидуални патнички посети ќе даде нов живот во туристичката индустрија, која се бори со последиците што ги остави пандемијата.

Израел планираше повторно да ги отвори своите граници за туристи во текот на пролетта, но го одложи потегот поради зголемување на бројот на заболени предизвикан од делта варијантата на вирусот.

Оттогаш, земјата започна кампања за имунизација со трета доза на вакцината. Речиси половина од населението ја примило третата доза.

Патниците кои доаѓаат во Израел мора да покажат потврда за вакцинација или потврда за прележан коронавирус во последните шест месеци.