пред 3 години Наместо премиерот Зоран Заев, на иницијативата „Отворен Балкан“ утре и задутре во Белград ќе учествува вицепремиерот за економски прашања, Никола Димитров.
„Поттикнувањето на регионалната соработка преку иницијативата „Отворен Балкан“ продолжува на работен состанок во Белград на 3 и 4 ноември 2021 година (среда и четврток), на кој што во име на Владата на Република Северна Македонија ќе учествува заменик претседателот задолжен за европски прашања, Никола Димитров“, соопштија од Кабинетот на Димитров.
Агендата за работниот состанок што се организира во соработка со Атлантскиот совет, опфаќа панел дискусија на тема „Дигиталната трансформација како подадена рака за регионална интеграција“ на која ќе бидат усвоени заклучоци, а потоа ќе биде одржана и прес-конференција.
Воедно, предвидени се лидерски средби и средби со претставници на компании од Северна Македонија, Албанија и Србија на кои што ќе биде разговарано за олеснување на трговијата.
Заев се откажа од учеството поради оставката која ја поднесе во неделата.
Би можело да ве интересира
Меѓународниот ден на трудот со синдикален протест за зголемување на платите
Нови 142 случаи на коронавурус, починаа 4 лица
Ковачевски до Фон дер Лаен: Oчекуваме засилен ангажман, ЕК да помогне во деблокирање на процесот
Двајца странски државјани фатени со скоро еден милион фалсификат евра на скопскиот аеродром
Пронајдена е малолетната Наташа – ја пронашле неколку деца кои учествувале во потрагата
Семејствата од импровизираните живеалишта ќе се згрижуваат во установи
