Дуња за ублажување на кашлица и стомачни проблеми

Дуњата содржи изобилство на витамини, а во народната медицина се користи со децении. Примарно се користи за ублажување на кашлицата и смирување на стомачните проблеми. Помага и самиот плод, но и семките и листовите.

Дуњата може да се јаде свежа, иако е малку потврда, бидејќи е груба, сепак може да се направат сокови, компоти и сирупи од неа кои се подеднакво ефикасни во отстранувањето на многу здравствени проблеми.

Плодот на дуњата е богат со витамини и минерали. Содржи витамин Ц во големи количини, дури и повеќе отколку што може да се најде во лимонот, но има и витамин Б1, Б2, ниацин, каротин, калциум, магнезиум, калиум, бакар, натриум, цинк, железо, манган, хлор и сулфур. Покрај тоа, содржи протеини, диетални влакна и јаглехидрати.

Најефективен дел од дуњата се семките од кои се прави чај Кога се во вода, семките ослободуваат слуз што ги решава проблемите со кашлицата и го чисти респираторниот систем. Покрај тоа, тие содржат големa количинa на амигдалин, или витамин Б17, кој има антиканцерогени ефекти. Семето е исто така богато со масти, танини, пектин, шеќери, емулзија и протиди.

Благодарение на танинот и слузот, дуњата благотворно делува на работата на цревата и спречува заразни болести. Пектинот има благотворно дејство врз кардиоваскуларниот систем, помага во намалување на крвниот притисок и обезбедува заштита од радиоактивно зрачење.

Сокот од дуња помага при кашлица, астма и дијареа, додека за анемични лица се препорачува печена или варена дуња, но и за лекување на воспаление на слузницата на желудникот и цревата. Може да помогне и при обилна менструација.

Подготовка на сок од дуња:

Измијте килограм дуњи и ситно изрендајте ги, па процедете ги низ газа. Сокот испијте го веднаш бидејќи брзо се оксидира. Најдобро е да се пие пред јадење.

Подготовка на чај од дуња:

Семките од дуња прелијте ги со врела вода, оставете го чајот да отстои неколку минути и потоа испијте го.