пред 3 години Унгарската Владата одлучи да ги замрзне цените на шест основни прехранбени производи од 1 февруари, објави премиерот Виктор Орбан на социјалните мрежи.
Цените на шеќерот, пченичното брашно, сончогледовото масло, свинскиот бут, пилешките гради и млекото со 2,8 отсто маснотии поради поскапувањето на храната ќе бидат замрзнати на нивото што го достигнале кон средината на октомври минатата година, напиша Орбан во средата.
Сите продавници ќе мора да ги намалат цените на тоа ниво, нагласи унгарскиот премиер, додавајќи дека цените низ Европа растат поради поскапувањето на енергенсите.
„Одлуката на владата за замрзнување на цените ќе биде на сила три месеци, а доколку е потребно и подолго“, изјави денеска шефот на кабинетот на Орбан.
Владата во ноември минатата година ги ограничи цените на горивата на три месеци, а со истата мерка одлучи да го ублажи и поскапувањето на струјата за малите бизниси.
На Орбан му претстојат неизвесни парламентарни избори на почетокот на април, потсетува агенцијата „Ројтерс“.
Би можело да ве интересира
Зеленски објави колку украински војници загинале во војната
Во Кина вакцинирани 75 отсто од населението
Црна Гора ја следи политиката на ЕУ, ѝ воведува санкции на Белорусија
Русија подготвува прехранбена вакцина – нова вакцина против ковид во форма на јогурт
Русија: Крстосувачка ракета „Калибар“ тестирана во Јапонското Море
Зигмар Габриел: Против пандемијата се бориме со средства од средниот век
