пред 3 години Вестерн драмата „Моќта на кучето“ на Нетфликс ja предводи овогодинешнaта листа претенденти за „Оскар“ со 12 номинации, надминувајќи ги 10-те номинации за научнофантастичниот епик „Дуна“ во трката за највисоките почести во индустријата.
Тие ќе се натпреваруваат за престижниот трофеј за најдобар филм против осум други филмови. Меѓу нив се „Белфаст“, полуавтобиографска приказна на Кенет Брана за семејство кое живее среде секташки конфликт во Северна Ирска во доцните 1960-ти, и римејкот на класичниот мјузикл „Приказна од западната страна“ од Стивен Спилберг. Овие филмови добија по седум номинации.
Победниците ќе бидат објавени на 27 март. Холивудската церемонија, 94. по ред, ќе се емитува на телевизија.
