пред 3 години “Законодавниот дом е храм на демократијата и израз на слободната волја на граѓаните. Затоа, по признанието на високи партиски функционери во судскиот случај „Титаник“ треба да следуваат оставки на сите актуелни пратеници од ВМРО-ДПМНЕ кои биле дел од раководството на оваа партија во тоа време”, изјави на денешната прес конференција Снежана Калеска Ванчева, претседателка на Форум на жени на СДСМ и пратеничка.
Таа додаде дека има пратеници од актуелниот пратенички состав на ВМРО-ДПМНЕ директно поврзани со тоа време и тоа раководство.
Александар Николовски, Антонијо Милошоски, Владо Мисајловски, Игор Јанушев се пратеници од ВМРО-ДПМНЕ, блиски соработници на Никола Груевски во време кога се кршеле законите, се злоупотребувале парите на граѓаните, се вршело поткуп при гласање и други изборни нерегуларности.
По признанијата на нивните сопартијци, овие пратеници треба да се повлечат од политиката и да преземат морална одговорност, изјави Калеска Ванчева.
Прво, заради достоинството на функцијата народен претставник.
Второ, за да не ја злоупотребуваат својата позиција и повторно да бидеме сведоци дека се блокира Собранието, само за да се спаси некој од одговорност.
Трето, да не се врши притисок врз независните судски органи.
Сите актуелни функционери на ВМРО-ДПМНЕ кои биле дел од тогашниот режим мора да се извинат пред граѓаните и да се повлечат, изјави Калеска Ванчева.
Би можело да ве интересира
Марковска: Ветивме зголемување на платите во сите сектори во период од шест месеци и тоа ќе го направиме
Ангел Димитров: РСМ не е подготвена да започне преговори за членство во ЕУ
Новото училиште во Илинден ќе овозможи целодневен престој и сензорна соба за децата со попреченост
Нацевска: Mеркитe на Народната банка дадоа резултати во корона кризата
Малолетник повреден на пешачки премин во Радовиш
Разговор меѓу Пендаровски и бугарскиот претседател за европската интеграција на Македонија
