пред 3 години Кевин Костнер, Зои Кравиц („Бетмен“) и Лејди Гага ја предводат првата група презентери најавени за најголемата ноќ во Холивуд.
На триото од А-листата ќе им се придружат Рози Перез, Крис Рок и јужнокорејската актерка Јун Јух Јунг, која освои „Оскар“ за најдобра споредна женска улога во 2021 година за драмата „Минари“.
Објавувањето на првата група презентери доаѓа откако „Оскарите“ паднаа во контроверзии во врска со одлуката да се отстранат осум категории од директниот пренос и да се емитуваат само највпечатливите и емотивни моменти од говорите на наградените, според „Холивуд репортер“.
Вил Пакер и Шајла Кауан, продуценти на телевизиската програма на „Оскарите“, ја објавија првата група презентери во четвртокот, а ќе следуваат уште повеќе пред церемонијата на 27 март.
