Украинските сили тврдат дека Русија ја променила тактиката, почнала нов напад

Руските војници го обновиле нападот врз металуршката фабрика Азовстал во Мариупол, изјави советникот на украинскиот претседател Володимир Зеленски.

Алексеј Арестович во видеото вели дека Москва ги продолжува воздушните напади и напорите за освојување на огромниот индустриски комплекс, што е последен знак на украинскиот отпор во пристанишниот град Мариупол.

Доколку ова се потврди, нападите се чини дека сигнализираат нова промена во тактиката на Русија.

Во четвртокот, претседателот Владимир Путин го запре воениот напад на Азовстал и наместо тоа им нареди на своите војници цврсто да ја блокираат фабриката за челик. Во меѓувреме, беше објавено видео на кое беа прикажани очајни услови за жените и децата кои се кријат таму со недели.

Русија останува фокусирана на обидот да заземе територија во источна Украина. Градовите во областа Луганск се под постојан оган, според гувернерот на регионот. Денеска беа убиени двајца цивили, а двајца ранети во артилериски напад врз градот Золота, рече тој.

Но, Русија не постигна значителни нови резултати и покрај зголемената активност, покажуваат најновите податоци на британската влада, кои се однесуваат на претходните 24 часа борби.