Талибанците одлучија жените во Авганистан да мора да ги покриваат лицата во јавност

Талибанците во саботата одлучија дека авганистанските жени мора да ги покриваат лицата на јавни места.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Портпаролот на талибанското Министерство за ширење на доблест и превенција ја прочита одлуката на талибанскиот лидер Хибатула Ахунџад на прес-конференција во Кабул, велејќи дека таткото или најблискиот машки роднина на жена која не го покрива лицето надвор од домот ќе добие предупредувачка посета и ќе заврши во затвор,или ќе остане без работа во државната служба.

За идеално решение, како што се наведува, се смета сината бурка која го покрива целото тело и стана глобален симбол на претходниот талибански режим, кој беше на власт од 1996 до 2001 година. Повеќето жени во Авганистан носат шамија од религиозни причини, но многумина во урбаните области како што е Кабул не го покриваат лицето.

Талибанците ги затворија средните училишта за девојки во март на денот кога требаше да започнат со работа, поради што САД ги откажаа закажаните состаноци за да ја ублажат финансиската криза во земјата. Талибанците тврдат дека се промениле, но во последните месеци воведоа построги ограничувања за жените, не дозволувајќи им да патуваат без машка придружба и да посетуваат паркови истовремено со мажите.