Шест случаи на мајмунски сипаници во Словенија

Досега во Словенија се потврдени шест случаи на инфекција со мајмунски сипаници, а сите пациенти имаат благи симптоми, пренесуваат словенечките медиуми.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Националниот институт за јавно здравје издаде упатства за однесување и третман на пациентите кои се на домашна нега.

На пациентите им се препорачува да останат дома и да се изолираат од другите луѓе, да внимаваат при одржувањето на личната хигиена и хигиената на алиштата, како и да ги информираат сите со кои биле во контакт за болеста, пренесува СТА.

Симптомите обично исчезнуваат по две до четири недели и генерално не се фатални. Исто така, се наведува дека ризикот од инфекција за општата популација е низок.

Првиот случај на мајмунски сипаници во Словенија е регистриран на 24 мај, кај маж кој допатувал од Канарските острови.

Светската здравствена организација (СЗО) досега потврдила 780 случаи на мајмунски сипаници во 27 земји, а се верува дека оваа бројка ќе се зголеми.