Средба на министрите на ЕУ за извоз на житото блокирано во Украина

Министрите за надворешни работи на Европската Унија денеска на состанокот во Луксембург ќе разговараат за можностите и начините за ослободување на милиони тони жито блокирано во Украина поради руската блокада на пристаништата во Црното Море, пренесуваат светските агенции.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Украина е еден од водечките светски производители на пченица, но нејзините бродови со жито се запрени, а повеќе од 20 милиони тони се заробени во силоси откако Русија ја нападна земјата и ги блокираше нејзините пристаништа, пренесува Гардијан.

ЕУ ги поддржува напорите на Обединетите нации да посредуваат во договорот за обновување на украинскиот извоз преку морето во замена за олеснување на рускиот извоз на храна и ѓубрива, но тоа ќе бара зелено светло од Москва, пишуваат медиумите.

Анализираат дека Турција, која има добри односи со Киев и Москва, е подготвена да учествува во набљудувањето на механизмот што се спроведува со евентуален договор.