Дрога за силување на забавата со германскиот канцелар, жртви се најмалку девет жени

Најмалку девет жени кои присуствувале на забава организирана од германската Социјалдемократска партија (СПД), на која бил и канцеларот Олаф Шолц, биле дрогирани со супстанца позната како „дрога за силување“, објави СПД.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Портпаролот на партиската пратеничка група во парламентот го потврди пишувањето на берлинскиот весник „Тагесшпигел“ и додаде дека досега се потврдени девет жртви.

Берлинската полиција соопшти дека истражува тешка телесна повреда откако 21-годишна жена поднела пријава.

„Ги советувам сите засегнати да поднесат тужба“, напиша на Твитер една од лидерите на СПД, Катја Маст.

Во мејлот упатен до учесниците на таа летна прослава одржана во средата, СПД го осудува „страшниот чин што веднаш бил пријавен во полиција“.

Илјадници луѓе присуствуваа на традиционалната прослава што СПД ја организира пред летниот одмор, а меѓу нив беше и канцеларот Шолц од таа партија и многу други претставници и соработници.

Берлинската полиција соопшти дека по „прослава организирана од политичка партија“, 21-годишната жена пријавила дека не се сеќава на никакви детали од вечерната забава следниот ден.

Таа се пријавила во болница на преглед и поднела тужба. Младата жена конзумирала храна на забава и пиела безалкохолен пијалок кога наеднаш почувствувала слабост и вртоглавица.

Досега полицијата е известена за уште четири вакви случаи.

„Дрогата за силување“ предизвикува гадење и вртоглавица и најчесто се става во пијалоци и предизвикува седација (смирување) со хипнотичко дејство (поспаност) така што личноста не може да даде отпор, а агресорите можат да силуваат, злоупотребат или применуваат некаков акт на агресија.

Во 2021 година, Берлин, град познат по понекогаш прекумерните забави, пријавил 22 случаи на агресија со „дрога за силување“, пишува дневниот весник Берлинер цајтунг.

Вистинскиот број на жртви е далеку поголем бидејќи многумина не се сеќаваат на настаните и се срамат да поднесат обвиненија.