пред 2 години Истражувачи од Австралија и Америка почнуваат повеќемилионски проект со кој ќе се обидат да го оживеат тасманискиот тигар.
Истражувачите планираат да го изведат ова со матични клетки и технологијата на уредување гени и очекуваат првиот тигар да го пуштат во дивина за десетина години. Последниот познат примерок на ова животно угина во зоолошката градина во Хобарт во 1936 година.
Тасманиски тигар спаѓа во групата торбари. Научниците планираат да искористат матични клетки од друг вид торбар со слична ДНК и потоа да го ратат исчезнатиот тигар преку технологијата за уредување гени. Тоа би било исклучително постигнување и би биле потребни неколку научни новини.
„Верувам дека за десет години би го имале првото бебе тасманиски тигар, еден век откако исчезна од природата“, изјави Ендрју Паск, кој го води проектот на Универзитетот во Мелбурн. Ако научниците успеат, тоа ќе биде прв случај на оживување на исчезнато животно во историјата.
Критичарите на проектот се скептични и го опишуваат како научна фантастика.
Би можело да ве интересира
Северина најави концерт во Скопје за следната година
(Видео) Луѓе висеа во воздух откако се расипа рингишпил во забавен парк во Кина
Во руската бајка за солзите во снегот се крие приказната за китењето на елката
Кафана само за невакцинирани во Скопје
По потонувањето на бродот со хемикалии пронајдени 4 мртви китови, 20 делфини и 176 желки
Тројца Македонци со велосипед го искачија највисокиот врв во Африка, Ухуру на Килиманџаро
