Пике ја заврши кариерата – Барселона ја победи Алмерија

Барселона ја победи Алмерија со 2:0, во натпревар кој беше последен во кариерата на Џерар Пике.

Целиот натпревар му беше посветен на Пике, кој ненадејно реши да стави крај на импресивната кариера, во која се со Барселона и шпанската репрезентација.

Барса против Алмерија настапи со специјални дресови, на предната страна пишуваше „Siempr3“ што значи „Засекогаш“.

Ветеранот натпреварот го започна во стартната постава и со капитенската лента на раката.

Pi-qué! 👏👏👏
Pi-qué! 👏👏👏
Pi-qué! 👏👏👏
Pi-qué! 👏👏👏#Sempr3 pic.twitter.com/N09Eo8IPKd

— FC Barcelona (@FCBarcelona) November 5, 2022

Теренот го напушти во 84.минута. Доби овации од целиот стадион, кој во негова чест беше исполнет до последното место. Натпреварот против Алмерија беше 616 за Пике во дресот на Барселона.

جيرارد بيكيه يودع رفاقه نهائيا ❤️ شكرا على كل ما قدمته للمانيو أيضا #Pique #BarcaAlmeria pic.twitter.com/OImaor7vk4

— red man dz (@mouloudsiad4) November 5, 2022

Што се однесува до натпреварот, тој мина во доминација на Барселона. Домашните играчи упатија 27 удари, 13 од нив одеа во рамката на голот, но беа неефикасни. Особено во првото полувреме.

Во овој дел од играта, Левандовски промаши пенал во седмата минута.

Алмерија во првиот дел имаше голема шанса преку Рамазани во 24.минута. Неговиот удар го одбрани Тер Штеген.

Во вториот дел Барса сепак ја обезбеди победата. Стрелци на головите беа Дембеле во 48. и Де Јонг во 62.минута.