Илон Маск, новиот шеф на Твитер, во саботата објави дека ќе ја врати сметката на поранешниот американски претседател Доналд Трамп, забранета од социјалната мрежа по нападот на Капитол Хил во Вашингтон во јануари 2021 година.


„Народот го кажа своето. Трамп ќе биде вратен назад“, напиша Маск на својот профил на Твитер по резултатите од анкетата објавена меѓу неговите претплатници, кои со големо мнозинство гласаа „за“ враќање на републиканскиот политичар на платформата на Твитер.

Нешто повеќе од 15 милиони корисници на Твитер гласаа во анкетата, а тесно 51,8 отсто гласаа за враќање.

По објавата на Маск дека „народот го кажа својот збор“, на оваа социјална мрежа повторно се појави профилот на Трамп и на него се достапни стари објави на поранешниот американски претседател.

Претходно во текот на денот, Трамп не изгледаше премногу ентузијастички за неговото враќање на неговата некогаш омилена социјална мрежа.

„Не гледам причина за тоа“, рече поранешниот претседател преку видео на прашањето дали планира да се врати на Твитер на панел на годишниот лидерски состанок на Републиканската партија.

Тој рече дека ќе се придржува до својата нова платформа Truth Social, апликација развиена од неговиот стартап Trump Media & Technology Group (TMTG), за која рече дека има подобар ангажман на корисниците од Твитер и дека работи „феноменално добро“.

Трамп, кој во вторникот започна обид да се врати во Белата куќа во 2024 година, го пофали Маск и рече дека отсекогаш му се допаѓал. Но, Трамп, исто така, рече дека Твитер страда од ботови, лажни сметки и дека проблемите со кои се соочува се „неверојатни“.

Во мај, Маск прв пат изјави дека планира да ја поништи забраната за Трамп.