Глумецот Јоан Грифид вели дека едвај врзува крај со крај, бившата не ми дава да ја продадам куќата, па девојка ми мора да ме финансира

Хипотеката која Грифид ја има на куќата е 745.000 долари, а во неа не живее речиси две години.

За потсетување, глумецот поднесе барање за развод во март минатата година, неколку недели откако Еванс на социјалните мрежи објави дека сопругот со кого била 14 години, ја напуштил неа и нивните две ќерки Ели и Елис. Грифид во една прилика рече дека Еванс го малтретирала со пораки, поради што побарал и да и се забрани да му се приближи.

„Се закануваше дека ќе ми го направи она што Амбер Херд му го направи на Џони Деп и дека ќе им кажува на луѓето дека сум ги злоставувал нашите ќерки и неа и дека ќе повика полиција ако не и удоволам на барањата. Се закани дека ќе ме прикаже како наркоман и ќе ме смести во затвор, дека ќе напише лажен дневник дека е жртва на злоставување и ќе го објави. Дури рече и дека ќе ја уништи мајка ми. Ми говореше дека ќе победи и дека сите ќе ѝ поверуваат неа, а не на мене“, рече глумецот.

За потсетување, Јоан и Алис се запознаа во 2000 година, за време на снимањето на филмот „102 Далматинци“, а се венчаа седум години подоцна.