Со оглед на тоа што Xiaomi 12S Ultra беше објавен минатата година во јули, малку е рано да се зборува за неговиот наследник, но новите информации сугерираат поинаку.


Се појавија два солидни показатели дека Xiaomi е подготвен да го претстави овогодинешниот Ultra телефон, а Xiaomi 13 Ultra би можел да биде официјализиран веќе месецов.

Најновите информации доаѓаат од онлајн продавач од Кина, кој промовира нов настан на Xiaomi на својата страница. Презентацијата треба да се одржи на 18 април.

Иако Ultra не е конкретно спомната, Leica неодамна објави тизер кој сугерира дека наскоро ќе чекаме нешто. Тизерот покажува „се гледаме овој месец“, што би можело да се случи на 18-ти април.

Се очекува дека Xiaomi 13 Ultra овој пат ќе биде достапен на глобално ниво, што би можело да се случи околу месец или два по лансирањето во Кина.

Што се однесува до спецификациите, досега сме слушнале дека Xiaomi 13 Ultra треба да има процесор Snapdragon 8 Gen 2, LPDDR5x RAM и складирање UFS 4.1.

Ќе има поддршка за полнење со кабел од 90 W и безжично полнење од 50 W, а исто така треба да го отфрли застарениот USB 2.0 стандард и наместо тоа да имплементира USB 3.x порта.