Аудио и видео повиците доаѓаат на платформата X

Милијардерот Илон Маск на својата платформа Х објави дека корисниците наскоро ќе можат да остваруваат аудио и видео повици преку оваа мрежа.

Маск истакна дека функциите за аудио и видео повици ќе бидат достапни за корисниците на X на телефоните со Android и iPhone, како и на персоналните компјутери.

Како што истакнува сопственикот на оваа социјална мрежа, X платформата ќе стане еден вид голем телефонски именик.

Video & audio calls coming to X:

– Works on iOS, Android, Mac & PC
– No phone number needed
– X is the effective global address book

That set of factors is unique.

— Elon Musk (@elonmusk) August 31, 2023

Ова не е изненадување, бидејќи Маск неодамна истакна дека сака да го претвори X во апликација „се во едно“.

Со имплементирање на аудио и видео повици во X, Mask ќе влезе на исклучително актуелен пазар, каде веќе има платформи кои ги нудат овие функции како што се Whatsapp, Viber, Facebook Messenger и други, а го нуди и Apple на своите уреди преку Facetime.