пред 3 години
Една од најдобрите македонски кошаркарки, Јелена Антиќ и официјално објави крај на играчката кариера на свои 32 години. И покрај квалитетот, поради бројните повреди не успеа да изгради кариера согласно потенцијалот, но зад себе остави силна трага и во клупската и во репрезентативната кариера.
„Имав само 15 години кога заминав од дома за да го следам својот сон. Мојот кошаркарски сон. 17 години подоцна може да кажам дека кошарката ми го подари светот. Светот на можности. Јас и ги дадов срцето, телото и умот. Вистинска длабока љубов. Но, последните години беа исцрпувачки, физички и психички. Ти благодарам за се добро и лошо, за сите победи и порази, насмевки и солзи, сеќавања и лузни. Ова не е збогум, само ќе те гледам од другата страна на линијата“ – вели во својата објава Антиќ, најавувајќи на тој начин дека продолжува во кошарката со тренерската кариера, каде веќе се проба на клупско и на репрезентативно ниво додека се опоравуваше од тешката повреда.
За потсетување Антиќ кариерата ја почна во Младинец, за рано да се пресели во САД каде што настапуваше прво за екипата на средното училиште „Либерти Академија“, а потоа и за Универзитетот Ливерти флејмс. По враќањето од САД најпрво настапуваше за белградски Партизан.
Таму мина три сезони, а потоа и за Радивоје Кораќ (Србија), Макаби Ашдод (Израел), ЦСУ Алба (Романија), Лулеа Баскет (Шведска), Висла Краков како и за македонскиот тим Баскет Кам. Зад себе има три шампионски пехари, исто толку трофеи во Купот на Србија и во женската АБА-лига, сите освоени во дресот на Партизан.
Би можело да ве интересира
Триаголници со сирење со готови кори
Павле Камилоски по 10 години се врати на бродот на кој почна да пее, овој пат со свое шоу
Октоберфест, најголемиот фестивал на пивото, пак ќе се одржи по две години пауза
Бремена Ријана позираше за насловната на „Вог“
(Фото) Елена Ристеска ја прогласија за најдобар македонски уметник во Истанбул
Тетка Сабина беше замена за мајка ми во Турција: Хурем се прости од Ајрула-Тозија со која играа заедно во хит серијата “Величествениот”
