„Фајзер“ започнува со тестирање на вакцината против Ковид-19 врз деца

„Фајзер“ планира да започне со тестирање на својата експериментална вакцина за коронавирус врз деца на возраст од 12 години, и веќе има родители кои се заинтересирани да го запишат своето дете во списокот за тестирање на вакцината , изјави истражувачот кој го предводеше истражувањето.

Тоа ќе биде прво испитување на вакцината против коронавирус што ќе опфаќа деца во САД, пишува „Си-ен-ен“.

Тимот од Детската болница во Синсинати оваа недела ќе започне да вакцинира тинејџери на возраст од 16 до 17 години, а подоцна ќе премине на запишување деца на возраст од 12 до 15 години, изјави д-р Роберт Франк, директор на Центарот за истражување на вакцини во болницата.

Компанијата на својата веб-страница потврди дека има одобрение од американската Администрација за храна и лекови (ФДА) да запише 12-годишни деца во своето истражување.

„Навистина сметаме дека вакцината за адолесценти и деца ќе биде клучна за ставање на Ковид-19 под контрола“, рече Френк за „Си-ен-ен“.

„Мислам дека е важно да се запамети дека иако стапката на смртност кај деца со ковид-19 е пониска отколку кај возрасните, таа не е нула“, рече тој, истакнувајќи дека кај повеќе од половина милион деца бил дијагностициран коронавирус само во САД.

„Тоа не е непостоечка инфекција кај децата.

„Децата можат да развијат сериозни болести, а исто така умираат од коронавирус и нема начин да се предвиди што ќе се случи“, рече Френк.

Исто така, може да се пренесе преку вирусот на други, поранливи групи, вклучувајќи родители, баби и дедовци или здравствени работници. Како последица на коронавирусот, кај децата може да се развие редок, но сериозен мултисистемски воспалителен синдром наречен MIS-C.