„Треба од срце да ги цениме и да им аплаудираме“ – иранскиот претседател ги пофали Хутите кои САД ги смета за терористи

Иранскиот претседател ги пофали активностите на јеменските Хути откако САД и Велика Британија започнаа напади против бунтовничката група како одмазда на нападите врз бродовите во Црвеното Море.

Ебрахим Раиси рече дека борците го бранат „угнетениот и силен народ на Палестина“.

„Треба од се срце да го цениме и да му аплаудираме на Јемен, кој храбро стои против ционистичкиот режим“, додаде тој.

Хутите, како и Хамас, се поддржани од Иран и тврдат дека целеле бродови со врски со Израел во знак на протест против неговата воена операција во Газа.

Нивните акции претставуваат закана за протокот на глобалната трговија, попречувајќи ги трговските бродови да минуваат низ морето до Суецкиот канал, рута која опслужува 15% од светскиот превоз.

Текстот „Треба од срце да ги цениме и да им аплаудираме“ – иранскиот претседател ги пофали Хутите кои САД ги смета за терористи е превземен од МАКФАКС.