пред 10 месеци Фудбалерите на Милан го совладаа актуелниот италијански шампион Наполи со резултат 1:0 во дербито од 24. коло на италијанската Серија А.
Домашните ја забележаа шестата победа во последните седум првенствени натпревари, а немаат пораз во последните девет натпревари во италијанското првенство. Ова е прва победа на Милан на домашен терен против Наполи во Серија А по повеќе од девет години и осум натпревари без победа.
Голот вреден победа го постигна францускиот лев бек Тео Ернандез во 25. минута од натпреварот откако одлично се уфрли зад последната линија на одбраната на гостите и погоди во првиот агол на голманот Пјерлуиџи Голини на асистенција на Рафаел Леао.
Со ова Милан се зацврсти на третото место и дојде на бод од Јувентус, кој има натпревар помалку. Наполи одамна се прости од одбраната на титулата, но загрозен е и нивниот пласман во европските натпреварувања следната сезона.
Би можело да ве интересира
Светско првенство во Катар: Или вакцина или пет дена во самоизолација
Раздор во Јувентус поради Кристијано Роналдо
Надал доби статуа на Ролан Гарос, па ги доби Ѓоковиќ и Федерер во ждрепката
Волф: Ред бул им нудат неверојатни суми на инженерите на Мерцедес
Вест хем со маки го мина петтолигашот Стокпорт
Проблематичниот судија на ПСЖ-Башакшехир е Романецот Колцеску
