пред 8 месеци Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.
Текстот Русија со најава: Ги преместуваме системите „Искандер“ на границата со Финска е превземен од МАКФАКС.
Би можело да ве интересира
„Гугл“ со 300 медиуми во ЕУ се договори да плаќа за содржина
Првата изјава на Марин Ле Пен по поразот на изборите во Франција
Јапонскиот премиер: Се’ поверојатно е дека Русија ќе користи нуклеарно оружје
Папата Франциско: Бог е со миротворците, а не со оние кои почнуваат војни
(Видео) Хаос на протест во Црна Гора – автомобил во кој била ќерката на премиерот покоси демонстранти
Кога некој може да се влезе во Словенија зависи од тоа која вакцина ја примил
