пред 4 години Лош старт на сезоната има шпански Леванте, а во сивилото на екипата се вклопи и македонскиот фудбалски интернационалец, Енис Барди.
По 5 кола од новата сезона, Леванте се претпоследни со само 3 бода (една победа против Осасуна) и дури 4 неуспеси. Последниот, предмалку во Билбао од Атлетик со 2-0.
Барди беше во составот се до 82 минута, но не успеа својот тим да го спаси од нов пораз.
Домаќините во водство од 1-0 дојдоа во 68 минута со голот на Беренгуе. По 5 минути уште еднаш ја затресоа мрежата на клубот од Валенсија, но голот беше поништен поради офсајд.
Сепак, во 79 минута Инаки Вилијамс ја матираше гостинската одбрана и го постави конечниот резултат.
За тимот од Билбао денешната беше втора победа, а досега имаат и 3 порази во шампионатот.
Во првиот денешен дуел од Ла Лига, Еибар и Осасуна ремизираа без голови.
