пред 9 месеци Навивачите на Челзи и Реал Бетис се судрија пред финалето на Конференциската лига во Вроцлав, што предизвика интервенција на полската полиција која употреби солзавец.
Судирите избувнаа пред баровите, каде што навивачите фрлаа столчиња и други предмети, а насилството ескалираше до тој степен што полицијата мораше да реагира за да спречи понатамошни нарушувања на јавниот ред и мир.
Во Вроцлав има зголемено присуство на полицијата на местата каде што се собираат навивачи, а одделот за криминал спроведува активности за идентификување на учесниците во инцидентите.
Во полициското соопштение се наведува дека бројот на превентивни и оперативни сили на улиците е толку голем што секој може да се чувствува безбедно. Полициските активности вклучуваат пешачки патроли, надзор со беспилотни летала и хеликоптери и зголемени интервенции на клучните локации и градските улици.
Te gastas la pasta en ir a ver a tu club jugar una final.
Te guantean 2 de tu mismo equipo ante la mirada de 2 ingleses cerveza en mano.
Acaban deteniendo a uno.
No tiene sentido lo que está pasando en las calles de Breslavia entre aficionados de Betis y Chelsea. pic.twitter.com/JPiB3apzN8
— GRADA B pro (@GradaBpro) May 27, 2025
Овие мерки беа преземени за да се спречат понатамошни судири и да се обезбеди безбедност за време на финалниот натпревар од Конференциската лига.
Заедно со полицијата, пожарникарите и спасувачите се подготвени да интервенираат на теренот, особено во областите на стадионот.
Финалниот натпревар во Конференциската лига ќе се игра вечерва од 21 часот во Вроцлав на стадионот „Турчински“.
