(Видео) Трамп: Ќе објавиме сè за Епштајн, но сепак нема да биде доволно

Американскиот претседател Доналд Трамп вети дека ќе ги објави сите документи за покојниот финансиер и осуден педофил Џефри Епштајн, но посочи дека критичарите и теоретичарите на заговор веројатно никогаш нема да бидат задоволни.

„Ќе им дадеме сè. Секако… [Но] што и да дадеме, никогаш не е доволно. Дадовме 50.000 страници и ситуацијата е иста како и измамата со Русија“, изјави Трамп за новинарите.

"Sure I would let Senate look at it, let anybody look at it but don't talk about it too much, because honestly I don't want to take it away from us."

Trump fields a question on why he is urging Republicans to release the Epstein files.

"The Democrats were Epstein's friends,… pic.twitter.com/lc6FmnJ76w

— DD Geopolitics (@DD_Geopolitics) November 17, 2025

Тој ги спореди документите за Епштајн со објавувањето на документи за атентатите на американскиот претседател Џон Ф. Кенеди и лидерот за граѓански права Мартин Лутер Кинг во 1960-тите.

Тој рече дека Епштајн во никој случај не е споредлив со двајцата, но дека постои сличност во притисокот за објавување претходно класифицирани документи за вакви случаи.

„Не зборувајте премногу за тоа, бидејќи искрено, не сакам тоа да нè одвлекува вниманието. Тоа е навистина проблем на демократите. Демократите беа пријатели на Епштајн, сите тие. И тоа е измама…“, рече тој.

„Само сакам луѓето да ја препознаат одличната работа што ја завршив со цените, со енергијата, со завршувањето на осум војни и уште една што верувам дека наскоро ќе заврши. Направивме одлична работа. И мразам кога фокусот се одвлекува од одличната работа што ја завршивме“, рече Трамп.

фото: принтскрин

Текстот (Видео) Трамп: Ќе објавиме сè за Епштајн, но сепак нема да биде доволно е превземен од МАКФАКС.