пред 12 часа Ракометарите на Вардар 1961 ја забелажаа третата победа во Европската лига. Во четвртото коло, Вардар 1961 го победи Кристијанштад со 35:30 (17:16). По четири рунди, во Ф групата, црвено-црните се лидери на табелата.
Вардар 1961 во второто полувреме го скрши отпорот на гостите од Шведска и им се реваншира за поразот од минатата недела.
Првиот дел беше израмнет, гостите има предност од два гола, црвено-црните направија пресврт, имаа водство 10:7, во средишницата на полувремето, а на пауза замина со гол предност 17:16.
На стартото на вториот дел црвено-црните повторно стекнаа предност од три гола, гостите успеаја уште еднаш да се вратат во натпреварот (21:21).
Конечно отпорот на противникот, ракометарите на Вардар 1961 го скршија во 47-та минута кога стекна предност од пет гола (27:22).
Во триумфот на Вардар 1961 се истакнаа голманот Валах со 15 интервенции, односно Хориха со девет и Малус со седум гола.
Вардар 1961, во наредната рунда, ќе гостува во Хрватска кај Севесте, а во последното коло ќе го пречека Тулуз.
Foto/ rkvardar.com.mk
