пред 2 часа Министерот за земјоделство, шумарство и водостопанство, Цветан Трипуновски, денеска е во работна посета во прилепскиот регион, каде што врши увид во процесот на откупот на тутун.
„Сакам да ве информирам дека од пријавените 320 пунктови низ државата, отворени се 207 заклучно со вчерашниот ден”, изјави министерот Трипуновски.
Тој додаде дека од компаниите кои што се пријавени во Регистарот за откуп на тутун, само една компанија досега не отпочнала со откуп, но истата ќе започне на почетокот од наредната недела согласно планот и динамиката.
„Согласно податоците кои ги добиваме на дневна основа од Државниот инспекторат за земјоделство, до вчерашниот ден се откупени 1,7 милиони килограми тутун со просечна цена од 419,68 денари”, истакна министерот Трипуновски.
Тој посочи дека според податоците од Сојузот и Инспекторатот, досегашниот тек на откупот се одвива во добра атмосфера.
„До последниот ден од откупот ќе бидеме тука, додека не се собере последното ливче тутун. Очекуваме дека оваа сезона ќе заврши успешно”, заклучи министерот.
Текстот Трипуновски: Досега се откупени 1,7 милиони килограми тутун со просечна цена од 419,68 денари е превземен од МАКФАКС.
Би можело да ве интересира
Претседателот на Сојузот на стопански комори избран за член на Високиот совет на Светската федерација на стопански комори
„Енергетската мрежа се проширува“: Божиновска и амбасадорот Касијев го интензивираат енергетското партнерството меѓу Македонија и Азербејџан
Деспотовски за инвестицијата на „Авеста Батерис“: Ме радува што се’ се одвива според договорoт што го потпишавме лани
Од јануари струјата нема да поскапи, Бектеши очекува пониска прфитна маржа од новиот универзален снабдувач
ВМРО-ДПМНЕ: Бислимовски пред два месеци тврдеше дека струјата нема да поскапи
(Видео) „Никоб Медикал“ и „Никоб Лаб“ се креирани да бидат системски одговор и 24 часовна медицинска заштита на граѓаните
