Германија воведува доброволна воена служба, ќе трае шест месеци, платата е 2.600 евра

Бундестагот го одобри повторното воведување на делумна воена регрутација со цел да се зголеми составот на вооружените сили како одговор на новите безбедносни предизвици.

„Слободите во демократијата не се бранат сами од себе. Ова мора да го прават луѓе кои се подготвени да се залагаат за овие слободи, а не оние кои седат зад оградата и чекаат некој друг да го стори тоа наместо нив“, рече германскиот министер за одбрана Борис Писториус (Социјалдемократска партија на Германија, СПД) во дебатата пред гласањето.

Според новиот закон, воената регрутација ќе се базира на доброволна основа. Во случај да не се појават доволно доброволни регрути во одредени години, Бундестагот би можел да воведе таканаречена воена регрутација на краткорочна основа.

Ќе се воведе и задолжителен прашалник за подготвеност за воена служба и воени способности, кој ќе го пополнуваат членови на одредена генерација кои наполниле 18 години. Пополнувањето на овој формулар е задолжително само за млади мажи.

Според договорот на ниво на НАТО, Германија се обврзала да има 260.000 активни војници во германската армија, Бундесверот. Моментално во Бундесверот служат 185.000 регрути.

Доброволната воена служба би траела шест месеци и би обезбедувала месечна плата од 2.600 евра.

Денеска наутро, за време на дебатата во Бундестагот, низ цела Германија се одржаа протести против повторното воведување на регрутацијата. Протестите, на кои главно учествуваа средношколци, се одржаа под слоганот „Не сакаме да бидеме топовско месо“.

Регрутацијата беше укината во Германија во 2011 година поради уставни пречки.

Текстот Германија воведува доброволна воена служба, ќе трае шест месеци, платата е 2.600 евра е превземен од МАКФАКС.