Путин: Досега, Киев не покажа подготвеност за територијални отстапки и мир

Рускиот претседател Владимир Путин денес изјави дека Киев не покажа подготвеност за територијални отстапки и мир.

„Засега, Русија не ја гледа подготвеноста на Киев да ги разгледа територијалните прашања. Киев одбива мирно да го заврши конфликтот. Русија е подготвена и сака конфликтот во Украина да заврши мирно“, рече Путин на почетокот на годишната прес-конференција каде што му поставуваа прашања новинари и граѓани.

Тој потсети дека во 2022 година, кога сè достигна „пресвртна точка“ кога „киевскиот режим ја започна војната во Донбас“, Русија нагласи дека ќе биде принудена да ги признае ЛНР и ДНР, објави Спутник.

„Сè започна со државниот удар во Украина“, рече Путин, одговарајќи на прашањето на водителот за тоа на кој начин ќе се постигнат целите – војна или мир.

Тој рече дека украинските власти тогаш одбиле да ги повлечат своите трупи и да ги спроведат договорите од Истанбул, а сега одбиваат мирно да го решат конфликтот.

„Сепак, Москва гледа одредени сигнали дека Киев е подготвен да се вклучи во дијалог“, нагласи рускиот претседател. Кога станува збор за ситуацијата на фронтот, Путин рече дека повеќе од половина од украинските населби се под контрола на руски војници, пренесува Танјуг.

Портпаролот на Кремљ, Дмитриј Песков, денес изјави дека за двете недели откако е отворена линијата, собрани се речиси три милиони прашања за Путин и дека конференцијата директно ја следат околу 600 новинари.

Од 2001 година, одржани се 18 одделни телефонски линии и 16 прес-конференции, ова е 22-ри пат како се одржува годишната конференција на Путин.

Фото: депозитфотос

Текстот Путин: Досега, Киев не покажа подготвеност за територијални отстапки и мир е превземен од МАКФАКС.