САД потрошија над 11 милијарди долари во првите шест дена од војната против Иран

Војната против Иран ги чинеше Соединетите Американски Држави повеќе од 11,3 милијарди долари (околу 9,8 милијарди евра) само во првите шест дена од конфликтот, изјавија претставници на Министерството за одбрана на САД пред сенаторите во Комитетот за вооружени сили.

Информацијата, повикувајќи се на три извори запознаени со деталите од затворениот брифинг одржан во вторникот, првпат беше објавена од The ​​New York Times.

Споменатата сума, според Times, не ги вклучува бројните поврзани трошоци, како што се оние за складирање воена опрема и персонал пред почетокот на нападот. Затоа, пратениците очекуваат таа бројка значително да се зголеми бидејќи Пентагон продолжува да ги собира сите трошоци направени во текот на првата недела од воената акција против Иран.

Се очекува Белата куќа да побара дополнително финансирање за конфликтот, и покрај тоа што претседателот Доналд Трамп минатата недела тврдеше дека САД имаат „практично неограничени залихи“ на муниција од среден и поголем калибар што најмногу се користи во војната.

Администрацијата на Трамп сè уште не објавила официјална проценка за трошоците за конфликтот и испраќа нејасни пораки за неговото можно времетраење.

Самиот Трамп вчера изјави дека САД ја добиле војната, но додаде дека американските сили ќе останат во борбата за да „ја завршат работата“.

 

фото/Depositphotos

Текстот САД потрошија над 11 милијарди долари во првите шест дена од војната против Иран е превземен од МАКФАКС.