Иран: Ќе ги нападнеме домовите на американски и израелски функционери

Иран се закани дека ќе ги таргетира домовите на американските и израелските воени и политички функционери во регионот, нарекувајќи го тоа одговор на она што го нарекува напади врз цивилни цели во Иран.

Ебрахим Золфагари, портпарол на оперативната команда на Иран „Хатам ал-Анбија“, рече дека вооружените сили ќе ги таргетираат домовите на „американските и израелските команданти и политички функционери во регионот“. Тој рече дека нападите се „одмазда“ поради обвинувањата дека САД и Израел таргетирале станбени згради во иранските градови.

Војната меѓу САД, Израел и Иран започна кон крајот на февруари, кога американските и израелските сили започнаа координирани напади врз воената и нуклеарната инфраструктура на Иран. Конфликтот ескалираше веднаш по првичните напади во кои загинаа голем број високи ирански функционери, вклучувајќи го и врховниот лидер ајатолах Али Хамнеи.

Потоа Иран возврати со лансирање ракети и беспилотни летала врз американски и сојузнички цели низ Блискиот Исток, вклучувајќи ги базите во Кувајт и Саудиска Арабија, како и напади врз бродски линии во Ормускиот теснец. Конфликтот влезе во својата петта недела, со континуирани напади од двете страни и растечки ризик од поширока регионална ескалација.

Текстот Иран: Ќе ги нападнеме домовите на американски и израелски функционери е превземен од МАКФАКС.