Светските лидери го поздравија прекинот на огнот меѓу Израел и Либан

Светските лидери го поздравија прекинот на огнот меѓу Израел и Либан, кој стапи на сила, изразувајќи надеж дека тоа ќе го отвори патот за траен мир во регионот.

Претседателката на Европската комисија, Урсула фон дер Лајен, изјави дека прекинот на огнот е „олеснување“, додавајќи дека конфликтот веќе одзел премногу животи и повика на „пат кон траен мир“ со целосно почитување на суверенитетот на Либан. Таа, исто така, нагласи дека ЕУ ќе продолжи да обезбедува хуманитарна помош за либанското население, додека претседателот на Европскиот совет, Антонио Коста, изјави дека Унијата ќе продолжи да го поддржува Либан.

Италијанскиот министер за надворешни работи, Антонио Тајани, го опиша прекинот на огнот како „клучен чекор“ за стабилноста на Блискиот Исток и изрази надеж дека тоа наскоро ќе доведе до мир. Дипломатијата на Обединетите Арапски Емирати испрати слична порака, нагласувајќи ја важноста од спречување на понатамошна ескалација и создавање услови за стабилност во регионот.

Текстот Светските лидери го поздравија прекинот на огнот меѓу Израел и Либан е превземен од МАКФАКС.